Oktyabrın 13-də "Crystal Hall"da Hip Hop və R&B musiqisinin əfsanəsi AKON-un solo konserti keçiriləcək. Bu haqda bu gün, 15 avqust tarixində Bakuplus.az İticket.az-a istinadən xəbər verir.
AKON – dünya şöhrətli R&B əfsanəsi, unikallığı və təsirli səsi ilə tanınan, pop musiqi və R&B-dən tutmuş hip-hop və rəqs janrlarına qədər müxtəlif janrlarda saysız-hesabsız hitlərin müəllifidir. Onun məşhur sinqlları “Smack That” və “I Wanna Love You” pərəstişkarları tərəfindən yaxşı tanınır və hit-paradların zirvələrini fəth edib. İfaçının bioqrafiyasında dünyanın hər yerində 35 milyondan çox satılan albomlar, beş “Grammy” mükafatı nominasiyası və Billboard Hot 100-da təqdim edilən 45 mahnı var.
Tədbir saat 20:00 – 22:00 aralığında "Crystal Hall"da baş tutacaq. Biletləri şəhərin kassalarından və onlayn əldə etmək olar. Qiymətlər 80-350 manat aralığında dəyişir.
