Dövlət Vergi Xidmətində yeni təyinat olub.
Bu haqda bu gün, 21 iyun tarixində Bakuplus.az Report-a istinadən xəbər verir.
40 yaşlı Emil Qarayev İqtisadiyyat Nazirliyi yanında Dövlət Vergi Xidməti rəisinin müavini vəzifəsinə təyin edilib.
Bakıda anadan olan E.Qarayev Bakı Dövlət Universitetinin Hüquqşünaslıq ixtisasını bakalavr pilləsi, Cinayət hüququ, cinayət prosesi, kriminalistika və məhkəmə ekspertizası ixtisasını magistr pilləsi üzrə bitirib.
2006-2009-cu illərdə “Deloitte Touche” MMC-də vergi üzrə məsləhətçi, 2009-2011-ci illərdə baş məsləhətçi, 2011-2016-cı illərdə vergi üzrə menecer və baş menecer, 2016-2019-cu illərdə vergi və hüquq məsələləri üzrə direktor vəzifələrində işləyib.
2019-cu ildə Milli Gəlirlər Departamentinin baş direktorunun müavini və baş direktorunun 1-ci müavini vəzifələrində çalışıb. 2019-2020-ci illərdə Milli Gəlirlər Baş idarəsi rəisinin 1-ci müavini vəzifəsində işləyib.
2020-2021-ci illərdə Bakı şəhəri Lokal Gəlirlər Baş İdarəsi rəisinin 1-ci müavini vəzifəsində çalışıb. 2021-2022-ci illərdə Dövlət Vergi Xidmətinin Bakı şəhəri Lokal Gəlirlər Baş idarəsinin rəisi, 2022-2024-cü illərdə Dövlət Vergi Xidməti aparatın rəhbəri vəzifələrində çalışıb.
