Paytaxtın Xəzər rayonu, Buzovna qəsəbəsində dayanacaqdan avtobusa minmək üçün maneələrdən keçməlisən. Bu haqda bu gün, 24 aprel tarixində Bakuplus.az ATV-yə istinadən xəbər verir.
Belə ki, dayanacağın düz qarşısında sədd qoyulub və sərnişinlər avtobusa minmək üçün həmin səddin üstündən keçməlidirlər. Bu da onlar üçün ciddi çətinlik yaradır.
Bacaranlar səddin üzərindən tullanır, bacarmayanlar isə biraz irəli gedib yüksək sürətli yola çıxır və avtomobil yolu ilə geri, avtobus dayanacağına qayıdırlar. Bundan əlavə, onlar avtomobil yolunda dayanıb avtobus gözləməyə məcburdurlar. Bu hal isə ciddi təhlükə deməkdir.
Bakı Nəqliyyat Agentliyi dayancağın öncədən quraşdırıldığını bildirib. Səddi qoyan Avtomobil Yolları Dövlət Agentliyi isə məsələ ilə bağlı cavab verməyib.
