“Sürət həddini aşmısınızsa, heç kim sizi DYP postunda saxlayıb cərimələyə bilməz”, – bunu Baş DYP İdarəsinin İctimaiyyətlə Əlaqələr şöbəsinin rəisi Rövşən Tağıyev ATV-də yayımlanan verilişdə deyib. Bu haqda bu gün, 28 iyun tarixində Bakuplus.az məlumat verir.
Tağıyev əlavə edib ki, sürət həddinin aşılması ilə bağlı protokollar elektron şəkildə tərtib olunur və yalnız texniki vasitə ilə aşkar oluna bilər.
“Stasionar postda yol patrul xidmətinin əməkdaşı sürücünü saxlayıb sənədlərə baxış keçirə bilər. Lakin hər hansı qayda pozuntusu yoxdursa, ona protokol tərtib edə bilməz.
Yaxud DYP əməkdaşı iddia edə bilməz ki, siz yolda sürət həddini keçmisiniz və sizə əllə protokol yazırıq. Çünki vizual olaraq sürət həddinin aşılmasını müəyyən etmək mümkün deyil, belə bir anlayış yoxdur”, – deyə DYP-nin rəsmisi bildirib.
