Yasamal rayonunda bir neçə gün əvvəl gecə saatlarında evi qanunsuz olaraq sökülərək küçədə qoyulan Bakı şəhər sakininə dəymiş ziyanın bir hissəsi ödənilib. Bu haqda bu gün, 8 iyul tarixində Bakuplus.az Qafqazinfo-ya istinadən məlumat verir.
Zərərçəkmiş Afət Quliyevanın sözlərinə görə, dəymiş ziyana görə kompensasiyanın bir hissəsi ödənilməkdən əlavə, o, müvəqqəti mənzillə də təmin olunub. Quliyeva bildirib ki, hazırda ora köçməyə hazırlaşır.
Faktla bağlı Yasamal Rayon Prokurorluğunda araşdırmalara başlanılıb.
Daha öncə məlum olub ki, polis əməkdaşları sözügedən mənzilin heç bir məhkəmə qərarı olmadan qanunsuz olaraq söküldüyünü müəyyən ediblər. Bununla bağlı rayon prokurorluğunun əməkdaşları tərəfindən zəruri maddi sübutlar toplanıb, “İbrahim-Q” MTK-nın bir sıra vəzifəli şəxsləri dindirilib. Hazırda zəruri istintaq hərəkətləri davam etdirilir.
