XX-XXI əsrlər Azərbaycan Rəngkarlığı Muzeyində nümayiş olunan Fərhad Xəlilovun "Yerlə göy arasında" sərgisi çərçivəsində böyüklər üçün "Özünü kəşf et" ustad dərsləri təşkil olunacaq. Bu haqda bu gün, 2 dekabr tarixində Bakuplus.az məlumat verir.
Ustad dərsləri hər çərşənbə təşkil olunacaq:
6 dekabr
Mövzu: Abşeron mənzərəsi
Tyutor: Müseyib Əmirov
Ustad dərsinin iştirakçıları Abşeron məktəbinin texnikası ilə tanış olacaqlar və doğma mənzərələrə yeni nəzər salaraq, kətan üzərində akril boyalarla rəsm çəkəcəklər.
13 dekabr
Mövzu: Graffiti abstraksiyası
Tyutor: Emil Məcnun
Ustad dərsi zamanı iştirakçılar müxtəlif materiallardan - akril və sprey boyalardan, markerlərdən istifadə etməklə qraffiti texnikası ilə kətan üzərində abstrakt kompozisiya təsvir edəcəklər.
20 debakr
Mövzu: "Qara kvadratın" sirri
Tyutor: Sabina Şıxlinskaya
Ustad dərsinin iştirakçıları abstrakt sənətlə tanış olacaqlar və məşhur "Qara kvadrat" əsərinin sirrini açmağa çalışacaqlar. Hər iştirakçı boya və pasteldən istifadə edərək öz sənət əsərini yaradacaq.
Ustad dərsləri saat 19:00-da başlayacaq. Tədbirlərdə 16 yaşdan yuxarı olan hər kəs iştirak edə bilər.
Qeydiyyat üçün: 050 251 41 15 (çərşənbə axşamı – bazar, 12:00-18:00).
