Bakıda 2000-ci ildə baş vermiş zəlzələ zamanı yaranmış qırılmalarda tikinti aparılmır. Bu haqda bu gün, 9 fevral tarixində APA FHN-in Tikintidə Təhlükəsizliyə Nəzarət Dövlət Agentliyinin rəis müavini Elxan Əsədova istinadən məlumat verib.
Əsədovun sözlərinə görə, Bakının Ekologiya və Təbii Sərvətlər Nazirliyinin Geoloji Kəşfiyyat Xidməti tərəfindən tərtib olunan sürüşmə ərazilərinin planı mövcuddur. Həmin planda qeyd olunan ərazilərdə inşaat işləri dayandırılıb.
“Həmçinin Bakının bir neçə yerində zəlzələdən sonra yaranmış qırılmalar var ki, bu gün o ərazilərdə tikinti aparılmır. Belə vəziyyət Nərimanov prospektinə paralel olan Abdulla Şaiq küçəsində var. Həmin ərazidə sovet dövründən və ondan əvvəlki illərdən qalan köhnə birmərtəbəli evlər sökülür və yerində park salınır", - deyə Əsədov bildirib.
