Bakıda arıçılıq məhsullarının 24-cü Respublika Sərgi-Satış Yarmarkası keçiriləcək. Bu haqda bu gün, 22 iyul tarixində Bakuplus.az Kənd Təsərrüfatı Nazirliyinə istinadən məlumat verir.
Yarmarka sentyabrın 9-dan 29-dək Nərimanov rayonunun Fətəli xan Xoyski küçəsi, 5 ünvanında (“Gənclik” metro stansiyasının yaxınlığı) təşkil ediləcək.
Bal yarmarkasında 250 arıçının iştirakı nəzərdə tutulub. Yarmarkaya qatılmaq istəyən arıçılar iyulun 29-u saat 08:00-dan avqustun 2-si saat 20:00-dək onlayn qaydada qeydiyyatdan keçməlidirlər. Bunun üçün fermerlər bal.kendden.az saytına daxil olaraq, müvafiq xanalar üzrə şəxsi və təsərrüfatları barədə məlumatları qeyd etməlidirlər. İştirakı təsdiqlənmiş arıçılara SMS-bildirişlər göndəriləcək, onlara məhsullarını gətirməli olduqları tarix barədə məlumat veriləcək.
Əlavə məlumat: https://www.agro.gov.az/az/news/2207241
