Xuliqanlıqda ittiham olunan MMA və qrapplinq döyüşçülərinin məhkəməsi keçirilib. Bu haqda bu gün, 1 iyul tarixində Bakuplus.az APA-ya istinadən xəbər verir.
Xuliqanlıqda ittiham olunan MMA və Qrapplinq Federasiyasının qarışıq döyüş növləri üzrə baş məşqçisi Ruslan Əfəndiyev və tələbələri – Xəzər Rüstəmov, Vüqar Kərəmov, Rüfət Əsədov və Tofiq Musayevin cinayət işi üzrə məhkəmə prosesi bitib.
Prosesdə prokuror çıxış edərək idmaçıların hər birinin 1 il müddətinə azadlıqdan məhrum edilməsini istəyib. Həmçinin Tofiq Musayevin barəsində həbs qətimkan tədbirinin seçilməsi istənilib.
Daha sonra məhkəmədə təqsirləndirilən şəxslər son söz deyiblər. İdmançılar son sözlə çıxış edərək məhkəmədən barələrində bəraət hökmünün çıxarılmasını istəyiblər.
Hökmə əsasən, Xəzər Rüstəmov, Rüfət ƏsədovI, Ruslan Əfəndiyev və Vüqar Kərəmovun hər biri 6 ay müddətinə azadlıqdan məhrum edilib. Tofiq Musayev isə 1500 AZN miqdarında cərimə edilib.
