Çoxmənzilli binaların birinci və sonuncu mərtəbələrindəki mənzillər, adətən, digərlərindən daha ucuz təklif olunur. Məsələn yeni tikililərdə orta mərtəbədəki mənzillərin qiyməti orta hesabla 120-130 min manatdan başlayırsa, bu mərtəbələrdəki evləri 90-100 min manata almaq olar. Bu haqda bu gün, 26 sentyabr tarixində Bakuplus.az Xəzər Xəbər-ə istinadən məlumat verir.
Ekspertlər bu ənənənin illərdir formalaşdığını deyirlər. Çoxları bəzən, hətta 2-ci və 3-cü mərtəbələrdə də mənzil almaq istəmirlər.
Tikinti üzrə ekspert Muxtar Ərturan birinci mərtəbədəki mənzillərin alıcılıq qabiliyyətinin aşağı olmasını müxtəlif səbəblərlə izah edir. Onun sözlərinə görə, əksər hallarda bu səbəblər əsaslıdır.
Ekspert deyir ki, çoxmərtəbəli binaların yuxarı mərtəbələrində yaşayışı çətinləşdirən müxtəlif amillər var. Alıcılar əvvəlcə bu qüsurları görməsələr də, bir neçə ildən sonra problemlər özünü büruzə verir.
Muxtar Ərturan alıcılara tövsiyə edir ki, bu mərtəbələrdə mənzillərin tikinti qaydalarına uyğunluğuna, hidro və səs izolyasiyasının etibarlılığına əmin olduqdan sonra alsınlar.
