İyulun 7-də paytaxtın Xətai rayonu, General Şıxlinski küçəsində yerləşən 16 mərtəbəli binanın şaxtasında yanğın baş verib. Həmin gündən etibarən sakinlər işıqsız qalırlar. Bu haqda bu gün, 16 iyul tarixində Bakuplus.az Baku TV-yə istinadən məlumat verir.
“Artıq bir həftədir ki, evlərimizdə işıq yoxdur. Şam işığında otururuq, həyətdə yemək yeməyə məcburuq”, – deyə yerli sakinlərdən biri bildirib.
Mənzil Tikinti Kooperativindən (MTK) bildirilib ki, məsələ nəzarətdədir və problem tezliklə həll olunacaq.
“Azərişıq” ASC-dən verilən məlumata görə, yuxarıdakı binanın sayğacları artıq hazırdır.
“MTK tərəfindən işlər tamamlandıqdan dərhal sonra sayğaclar quraşdırılacaq”, – məlumatda deyilir.
Ətraflı süjetdə:
