Bakıda sakinlər “BakuBus”ın avtobusundan narazıdırlar. Bu haqda bu gün, 16 mart tarixində Bakuplus.az ARB-yə istinadən xəbər verir.
Sakinlərin sözlərinə görə, 10 nömrəli marşrut xətti ilə hərəkət edən avtobuslar barədə nə məlumat lövhəsində yazılıb, nə də onlar vaxtında gəlir.
“Çox gec gəlir. Arada bəzi dayanacaqlarda belə saxlamırlar. Məlumat lövhəsi də düzgün deyil. Bilmirik, buradan keçəcəklər ya yox”, – deyə sakinlər şikayət edirlər.
Sürücülər isə avtobusların intervalının 15 dəqiqə olduğunu, ancaq bəzən tıxaclar olduğundan gecikmələr olduğunu deyirlər.
Yerüstü Nəqliyyat Agentliyindən bildirildi ki, hazırda paytaxtın marşrut şəbəkəsi yenidən işləndiyindən dayanacaq nişanlarına marşrut nömrələri vurulmayıb. Yaxın günlərdə problem öz həllini tapacaq. İnterval məsələsi ilə bağlı isə cavab tapmaq mümkün olmayıb.
