Suraxanı rayonu, Hövsan qəsəbəsinin sakinləri həyətlərinin təmir olunmasını istəyirlər. Bu haqda bu gün, 19 avqust tarixində Bakuplus.az Real TV-yə istinadən xəbər verir.
Şikayət Elman Qasımov, 18, 18A, 20, 20A və 20B ünvanlarında yaşayan sakinlərdəndir. Belə ki, bir müddət əvvəl bu həyətdə təmir işləri başlasa da, sonra yarıda dayandırılıb. Sakinlər deyirlər ki, qonşu məhəllədə müasir standartlara uyğun şərait yaradılıb. Lakin orada kifayət qədər çox insan yaşadığından ancaq öz sakinlərinin istifadəsinə yarayır.
“Sözügedən məhəllədə isə nə söhbətgah var, nə də uşaqların oynaması üçün meydança. Bu səbəbdən də uşaqlar tez-tez xəsarət alırlar, əlləri-qolları qırılır. 800 ailənin yaşaması üçün burada heç nə yoxdur. Onlar üçün burada heç bir şərait yoxdur. 1 ədəd söhbətgahımız var bu qədər adama. Ağacları biz əkmişik, suyu öz vəsaitimizə çəkmişik. Ancaq digər şeyləri etməyə gücümüz çatmır”, – deyə sakinlər bildirirlər.
Rəsmi qurumlar məsələ ilə bağlı bildiriblər ki, ərazinin abadlaşdırılması nəzərdə tutulub. Mərhələli şəkildə layihə həyata keçiriləcək.
[caption id="attachment_110003" align="alignnone" width="640"]
Foto Real TV[/caption]
