Bakının Suraxanı rayonu, Hövsan qəsəbəsinin giriş hissəsi zibil poliqonuna çevrilib. Bu haqda bu gün, 13 yanvar tarixində Bakuplus.az Real TV-yə istinadən xəbər verir.
Sözügedən qəsəbənin girişində zibil qutuları yerləşdirilsə də, məişət tullantıları boş əraziyə atılır. Bu da xoşagəlməz mənzərə yaradır.
“Külək qalxanda sellofanlar dağılır. Xanımlar səhər saat 6-dan sellofan yığırlar. Kimsə təmir işləri aparır, zibili atır ora, sonra camaat əziyyət çəkir”, – deyə sakinlər şikayət edirlər.
Əlavə olaraq, küləkli havadan sonra pis qoxudan nəfəs almaq mümkün olmur.
Suraxanı Rayon İcra Hakimiyyətinin (RİH) əməkdaşları məsələdən xəbərdar olan kimi əraziyə cəlb olunublar və dərhal tullantıları təmizləyiblər.
