Bakının Hövsan qəsəbəsi, Südçülük sovxozu yaşayış sahəsində yol “European Tobacco-Baku” ASC tərəfindən zəbt olunub. Bu haqda bu gün, 13 iyul tarixində Bakuplus.az Bakı Gündəliyinə istinadən məlumat verir.
Sakinlərin sözlərinə görə, onlar 600 sakinin imzası ilə Prezidentin Administrasiyasına müraciət ediblər. Məsələ ilə bağlı Suraxanı Rayon İcra Hakimiyyətindən (RİH) bildirilib ki, yol yerləşdiyi 25 hektar ərazi ilə birlikdə 2015-ci ildə Abşeron Rayon İcra Hakimiyyəti tərəfindən “European Tobacco-Baku” ASC-yə icarəyə verilib.
RİH-dən, həmçinin bildirilib ki, şirkət yolun bir hissəsini öz məqsədləri üçün hasarlasa da, bir hissəsini ümumi istifadə üçün açıq saxlayıb.
Şikayətçilər yolun əsas hissəsinin bağlandığını, ona paralel ensiz və yararsız yolun saxlanıldığını iddia edirlər. Bu səbəbdən Suraxanı Rayon İcra Hakimiyyəti həmin yolu Zığ şosesinin köməkçi yoluna birləşdirməyib.
Sakinlər yolun tam açılmasını istəyirlər. Ərazidə yaşayan 200 minə yaxın sakin üçün bu yolun alternativ giriş-çıxış kimi çox vacib olduğu bildirilir.
[caption id="attachment_106200" align="alignnone" width="640"]
Foto Bakı Gündəliyi Facebook səhifəsi[/caption]
