Suraxanı rayonunda su sərfiyyatına qarşı yoxlamalar keçirilib. Bu haqda bu gün, 8 may tarixində Bakuplus.az “Azərsu”ya istinadən xəbər verir.
Hövsan qəsəbəsinin “Dənizkənarı” adlanan ərazisində soğan sahəsinin suvarılmasında qeyri-qanuni su xəttindən istifadə edildiyi aşkarlanıb.
Belə ki, Məşədi Hilal adlı qəsəbə sakini hektarlarla ərazidə soğan sahəsi salıb. Vaxtilə əraziyə qanuni su xətti çəkilib və sayğac quraşdırılıb. Böyük bir təsərrüfatda istifadə olunan suyun həcmi ilə bağlı şübhələr yarandığından Azərbaycan Dövlət Su Ehtiyatları Agentliyinin əməkdaşları tərəfindən əraziyə baxış keçirilib. Məlum olub ki, sahibkar yaxınlıqdan keçən şəbəkədən əlavə qanunsuz su xətti çəkib. Əkin sahəsi də həmin xətlə suvarılıb.
Aşkarlanmış fakt aktlaşdırılıb, sahibkara xəbərdarlıq edilib.
