Ötən gün, 21 iyul tarixində Bakıda yağışlı hava müşahidə olunub, şəhərin bəzi rayonlarında leysan yağıb. Həmin hava şəraitində Sabunçu qəsəbəsində yerləşən bazarda çəkilən kadrlar heyvanlara qarşı amansızlığı göstərir. Bu haqda bu gün, 22 iyul tarixində Bakuplus.az məlumat verir.
Sosial şəbəkələrdən birinin istifadəçisinin yaydığı fotoda 3 cins it əks olunur. Bildirilir ki, onları satan şəxs heyvanları dar qəfəsdə yağışın altında qoyub gedib. Heyvanlar isə bu vəziyyətdə saatlarla qalıblar.
Fotonun müəllifi bu itlərdən birinin oğurluq olduğu iddiasını da irəli sürüb. O, iddiasını itin üzərində boyunluğun olması ilə əsaslandırıb.
