Prokurorluq Əhməd Əhmədovla bağlı yayılan məlumatları təkzib edib. Qurumdan bildirildi ki, Ə.Əhmədovun verdiyi ifadə və mediada yayılan məlumat həqiqəti əks etdirmir.
15:51 - Əhməd Əhmədov ailəsini qəsdən öldürüb
Ailəsini öldürən Əhməd Əhmədovun məhkəməsi baş tutub. Bu haqda bu gün, 3 aprel tarixində Bakuplus.az Musavat TV-yə istinadən xəbər verir.
Məhkəmə iclası zamanı təqsirkar ailəsini qəsdən öldürdüyünü və bunu planlı şəkildə etdiyini etiraf edib. Buna səbəb atasının ailəyə məxsus mənzili bacısına verməsidir.
Rusiyada yaşayan ərindən boşanaraq Bakıya gələn bacısı öncə valideynlərinə məxsus evdə onlarla birgə yaşayıb, sonra isə atası ailəyə aid olan evlərdən birini bacısına verib. Ə.Əhmədovla valideynləri arasında ilk mübahisə o zaman yaşanıb. Ə.Əhmədov bildirib ki, ailənin böyük oğlu olaraq buna qarşıdır və qız övladın, yəni bacısının bu evlər üzərində heç bir haqqı yoxdur. Valideynləri ona da ayrıca ev aldıqlarını, hətta hazırda yaşadıqları evin də gələcəkdə Ə.Əhmədova veriləcəyini desələr də, bu, onu sakitləşdirməyib.
Ə.Əhmədov məsələni dəfələrlə bacısı ilə danışaraq çözməyə çalışıb. Qətldən 1 gün öncə o, son sözünü atasına söyləyib və “mən bu işi burada qoymayacağam” deyib.
Bildirilir ki, 3 həftə boyunca davam edən ekspertiza hələlik onun psixi durumu ilə bağlı yekun rəyə gələ bilməyib. Ə.Əhmədov hazırda 1 saylı İstintaq Təcridxanasında saxlanılır.
