Bakının Nərimanov rayonu, Əhməd Rəcəbli küçəsində daha bir qeyri-qanuni parkinq ərazisi aşkar olunub. Bu haqda bu gün, 21 iyul tarixində Bakuplus.az məlumat verir.
Burada çox sayda ofis, mağaza və mehmanxanalar yerləşdiyindən iş günü ərzində ərazi nəqliyyat vasitələri ilə dolu olur, bu isə parkinq yerlərinin çatışmazlığına gətirib çıxarır. Belə ki, 2 və 11 saylı avtobusların keçdiyi dayanacaqda yalnız ictimai nəqliyyatın dayana biləcəyini bildirən nişanların üzərində naməlum şəxslər tərəfindən parkinq yerlərinin olmasını göstərən yeni xətlər çəkilib.
Həmin ərazidə mobil beton bloklar quraşdırılıb ki, bu da yerlərin yalnız orada işləyən qanunsuz “parkovşiklər” tərəfindən verildiyini göstərir. Həmin işçilər də, öz növbəsində, avtomobillərin bu yerlərdə saxlamağına görə pul tələb edirlər.
Həmçinin bəzi vətəndaşlar avtomobilləri səkilərdə saxlayaraq piyadalara təhlükə və meneçilik törədirlər.
Paytaxt ərazisində 1.17 nişanlama xətti (Ümumi istifadədə olan nəqliyyat vasitələrinin dayanacaqları və taksi duracağı) Bakı Nəqliyyat Agentliyi tərəfindən tənzimlənir və sürücülərin bu nişana əməl etməsinə agentlik və yol polisi nəzarət edir.
[caption id="attachment_53477" align="alignnone" width="800"] Foto Bakuplus.az[/caption]
