Paytaxtın Nizami rayonu, Tofiq Abbasov, 65 və Şirin Mirzəyev, 79 ünvanlarında sakinlər yeni tikiləcək binadan narahatdırlar. Bu haqda bu gün, 8 may tarixində Bakuplus.az ATV-yə istinadən xəbər verir.
Sakinlərin sözlərinə görə, onların yaşadıqları binaların yaxınlığında yeni bina inşa ediləcək. Yeni tikili yaxın olduğundan sakinlər təhlükəli vəziyyətdən narahatdırlar. Həmçinin ərazi balacadır və yeni bina məhəllədə sıxlıq yaradacaq.
Uzun müddət əvvəl ərazidə tikinti etmək istəybilər, ancaq sakinlərin şikayəti ilə inşaat işləri ləğv olunub. Ancaq indi ərazidə ağaclar kəsilir, ərazi tikinti üçün boşaldılır.
“Günün günorta çağı baş verib. Elə bildik ki, ot biçirlər. Sonra eşitdi ki, budaqlar qırılır. Tez düşdük aşağı ki, ağacları kəsirlər”, - deyə sakinlər bildirirlər.
Sökülməli olan binaların sakinləri isə vəziyyətdən narahat deyillər vəhər şeyin düzgün olduğunu vurğulayırlar.
Ekologiya Nazirliyi məsələni araşdıracağını bildirib. Şirkət rəhbərliyindən isə açıqlama verilməyib.
