Uşaqların I sinfə qəbulu üçün təşkil edilmiş müsahibələrlə bağlı Apellyasiya komissiyası fəaliyyətə başlayıb. Bu haqda bu gün, 15 may tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
Ümumi təhsil məktəblərinin tədris digər dildə aparılan bölmələri üzrə müsahibədə nəticəsi məqbul olmayan uşaqların apellyasiya şikayətlərinə baxılır.
Apellyasiya komissiyasının yeri, tarixi və nəticəsi barədə məlumatlar valideynin şəxsi kabinetindəki Əlaqə bölməsinə göndərilir. Komissiyada müsahibə prosesi zamanı qeydə alınmış videoyazı valideynin iştirakı ilə izlənilir.
Apellyasiya komissiyası tərəfindən müsahibə meyarlarına düzgün əməl edilmədiyi və ya texniki səbəblərdən videoyazını izləmək mümkün olmadığı halları istisna olmaqla təkrar müsahibə aparılmır.
Apellyasiya komissiyası 3 iyun 2024-cü il tarixinə qədər fəaliyyət göstərəcək.
