Paytaxtın Qaradağ rayonu, Korgöz qəsəbəsinin qəribə adəti marağa səbəb olub. Bu haqda bu gün, 6 yanvar tarixində Bakuplus.az ATV-yə istinadən xəbər verir.
Belə ki, qəsəbədə bir çox evin qarşısında “KamAZ” və ya “Shacman” markalı yük avtomobilinin olması diqqəti cəlb edib. Sakinlər iddia edirlər ki, burada yük maşının yoxdursa, sənə qız belə vermirlər. Daş karxanasının yaxınlığında yerləşdiyindən qəsəbə sakinlərinin çoxu həmin karxanada sürücü kimi çalışır.
“90-cı ildə mən qız alanda, qayınatam haradan verirdi mənim “KamAZ”ım olmasaydı?! Mütləq “KamAZ” şoferi, daş satan olmalı idin ki, sənə qız versinlər”, - deyə sakinlərdən biri bildirir.
Korgöz qəsəbəsi 94 il əvvəl neft işçiləri üçün salınıb. Kərkəz dağının yanında yaradılan və 4000-dən çox əhalisi olan qəsəbə əslində “Kürgəz” adlanmalı idi, ancaq Sovet İttifaqı dağılandan sonra səhvlikdən “Korgöz” adlandırılıb və belə də qalıb.
Hazırda qəsəbə sakinləri bir adın dəyişdirilməsini, həm də yolsuzluq və kanalizasiya problemlərinin həll olunmasını istəyirlər. Onlar qəsəbədə müvafiq infrastrukturun yaradılmasını arzulayırlar.
[caption id="attachment_85878" align="alignnone" width="640"]
Foto ATV-nin rəsmi Youtube kanalı[/caption]
