Paytaxtın Qaradağ rayonu, Korgöz qəsəbəsi, Mio yaşayış massivinin küçələrindən kanalizasiya suyu axır. Bu haqda bu gün, 28 dekabr tarixində Bakuplus.az Real TV-yə istinadən xəbər verir.
Sakinlərin sözlərinə görə, 3 il əvvəl yuxarı məhəllədə kanalizasiya suyu üçün çuxur qazıblar. Bir müddət sonra quyudan su daşaraq aşağı məhəllənin küçələrinə axmağa başlayıb. Yağış zamanı isə çirkab su evlərin zirzəmilərinə dolur.
“Üfunət iyindən otura bilmirik, qapı pəncərəmizi aça bilmirik. Yağıntılar zamanı nə avtomobil məhləyə girə bilir, nə də biz məhəllədən çıxa bilirik”, - deyə sakinlər bildiriblər.
Korgöz qəsəbəsinin bələdiyyəsi məsələ ilə bağlı bildirib ki, hazırda Qaradağ rayon sukanal idarəsinin rəhbərliyi ilə birlikdə problemin həll olunması ilə bağlı ərazidə lazımi işlər aparılır və mərhələli şəkildə problem aradan qaldırılacaq.
[URIS id=85005]
