Qaradağ rayonunda su xətti var, su sayğacı da var, amma su yoxdur. Bu haqda 22 iyul tarixində ARB məlumat verib.
Lökbatan qəsəbəsi, 6-cı massivdə sakinlər ilin 9 ayı suyun gəldiyini, amma yayın 3 ayında bir damcı suya həsrət qaldıqlarını deyirlər.
“3 gündən, 4 gündən bir biz maşın gətizdirib su vururuq. Binalara gedir, onlarda su daimi olur, amma 6-cı massivdəki həyət evlərinə su gəlmir”, - deyə sakinlərdən biri şikayətini bildirib.
Məsələ ilə bağlı Qaradağ rayonu Sukanal idarəsinin əməkdaşı İzmir Emirov bildirib ki, həmin ərazidə şəbəkə qurulmayıb. Müxbir ilin qalan hissəsində suyun gəldiyini vurğuladıqda isə o, problemin hansı səbəbdən yarandığının idarə tərəfindən araşdırılacağını deyib.
