Qaradağ rayonu, Lökbatan qəsəbəsində tıxacların olmaması, hərəkətin yol dairələri ilə tənzimlənməsi səbəbindən ərazidə qoyulan svetofora məhəl qoyulmur. Bu haqda BakuPlus.az Avtosfer.az-a istinadən bu gün, 22 aprel tarixində xəbər verir.
Qəsəbədə svetofor cəmi 1 yerdə, 28 May və İntiqam Nəbiyev küçələrinin kəsişməsində (Qaradağ şadlıq sarayının yanı) qurulub. Digər yerlərdə buna ümumiyyətlə ehtiyac yoxdur.
Sürücülər vərdiş üzrə svetofor xəttini keçərək tam kəsişmədə gözləyirlər ki, bu da piyadaların işini çətinləşdirir.
Ərazidə olan nəzarət kameraları svetofordan 50 metr aralıqda yerləşən avtobus dayanacağındakı qanunsuz parklanmaya nəzarət edir. Buna görə də svetofor ölü zonaya düşür.
Problemin aradan qaldırılması istiqamətində yol ayrıcındakı nəzarət kameralarının yerini bir neçə metr geri çəkməklə həm qanunsuz parklanmaya, həm də svetofora nəzarət etmək mümkündür.
