Qaradağ rayonunda növbəti məhəllə əsaslı təmir olunub. Bu haqda bu gün, 23 dekabr tarixində Bakuplus.az rayon İcra Hakimiyyətinə istinadən xəbər verir.
Lökbatan qəsəbəsinin Alim Şəbiyev küçəsində 11, 13, 15 və 17 saylı binalarının və Bilal Niftəliyev küçəsindəki 1 və 1a binalarının həyətində növbəti ABAD məhəllənin açılışı baş tutub.
Yenidənqurma işləri çərçivəsində yaşıllıq zolaqları salınıb, söhbətgahlar quraşdırılıb, idman və oyun meydançaları, eləcə də parkinq zonaları yaradılıb. Bundan əlavə, ərazidə 500-dən çox ağac əkilib.
Paralel olaraq Qaradağ rayonunun bütün qəsəbələrində geniş abadlıq-quruculuq işləri aparılır, qəsəbədaxili yollara asfalt örtüyü salınır, yolların kənarlarında küçə işıqları quraşdırılır.
[caption id="attachment_124330" align="alignnone" width="640"]
Foto Qaradağ RİH[/caption]
