Qaradağ rayonu, Lökbatan qəsəbəsində ağaclar qanunsuz olaraq kəsilib. Bu barədə BakuPlus.az Baku TV-yə istinadən bu gün, 7 dekabr tarixində xəbər verir.
Seymur Orucov küçəsi, 1 ünvanında kəsilən ağacların yerində naməlum obyekt tikilir və artıq tikintinin bir qismi tamamlanıb.
Baku TV-nin çəkiliş qrupu tikintinin aparıldığı hissəyə buraxılmayıb. Hazırda işlərin dayandırıldığı, lakin ərazidə tikintinin bir hissəsinin artıq başa çatdığı bildirilib.
Məsələ ilə bağlı tikintini həyata keçirən şirkətin rəsmisi Əjdər adlı şəxs israrla tikinti gedən hissədə çəkilişə mane olmağa çalışıb. Ərazidə heç bir ağacın kəsilmədiyini deyən şəxs, həmçinin rüşvət adlandırmadığı, dırnaqarası “hörmət” də təklif edib.
Bir qədər sonra isə məsələdən xəbər tutan Qaradağ RİH-nin başçısı Süleyman Mikayılov və digər aidiyyəti qurumların nümayəndələri əraziyə gəliblər.
Görünən odur ki, İH-nin və digər qurumların tam yaxınlığında ağacların başına gətirilən soyqırım və aparılan tikinti işləri kimi məsələlər barədə nədənsə yalnız işıqlandırılan zaman xəbər tutulur.
[caption id="attachment_82065" align="alignnone" width="640"]
Foto Baku.tv rəsmi saytı[/caption]
