Bakının Qaradağ rayonu, Lökbatan qəsəbəsində çirkab sular və kanalizasiya sisteminin olmaması vətəndaşları narahat edir. Bu haqda bu gün, 5 aprel tarixində Bakuplus.az Baku TV-yə istinadən məlumat verir.
Sakinlər iddia edirlər ki, burada yağış yağan zaman kanalizasiya sistemi olmadığından bütün kanalizasiya suları, eyni zamanda yağış suları həm həyətlərə, həm zirzəmilərə dolur, eləcə də evlərin birinci mərtəbəsinə qədər çatır.
Lökbatan Bələdiyyəsindən bildirildi ki, məsələdən xəbərdardırlar və yaranmış problem tezliklə aradan qaldırılacaq. Lökbatan Bələdiyyəsinin əməkdaşı Saleh Salayev bildirib ki, vəziyyət yağışlı hava nəticəsində əmələ gəlib və göl suları ilə heç bir əlaqəsi yoxdur. Əməkdaşın sözlərinə görə, cari ilin payızına kimi burada kanalizasiya xətləri salınacaq.
