İlahiyyatçı Hacı Salman Kamiloğlu saxlanılıb. Bu haqda bu gün, 26 iyun tarixində Bakuplus.az Baku TV-yə istinadən məlumat verir.
O, cari ayın 22-də Abşeron rayonu, Masazır qəsəbəsi, Vidadi Quliyev küçəsində azyaşlıya qarşı seksual xarakterli hərəkətlər etməkdə ittiham olunur. Cinayət işi açılıb.
Verilən məlumata görə, Hacı Salman 11 yaşlı qızı küçədə maşınına dəvət edib və ona qarşı seksual xarakterli hərəkətlər edib. Baş vermiş hadisə kameraya düşüb və qızın yaxınlarının polisə müraciətindən sonra araşdırmalara başlanılıb.
Qızın qohumunun onlara tərəf gəldiyini görən kişi ərazini tərk edib.
“Dükanın yanında gördüm ki, bankomatdan pul çıxarır. Yaxınlaşdım ona, həmin şəxs olub-olmadığını təsdiqləmək üçün mənimlə gəlməyini xahiş etdim. Gəldik, yoldaşım da, uşaq da həmin adam olduğunu təsdiqlədilər. Bu şəxs isə boynuna almadı, din adamı olduğunu dedi. Abşeron Rayon Polis İdarəsinə zəng etdim. Polislər gəlib götürdülər. Orada isə hər şeyi boynuna aldı”, – deyə qohum bildirib.
