Azərbaycanda keçirilən imtahanların cavabları açıqlanıb. Bu haqda bu gün, 11 may tarixində Bakuplus.az Dövlət İmtahan Mərkəzinə (DİM) istinadən xəbər verir.
Aprelin 14-də ölkə ərazisində aşağıdakı imtahanlar təşkil olunub:
- Əvvəlki illərin məzunları üçün qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı;
- Müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı;
- Qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə tədris dili imtahanı;
- Mart ayında keçirilmiş buraxılış imtahanlarında üzrlü səbəblərdən iştirak edə bilməmiş və barəsində Mərkəzə müraciət edilmiş cari ilin XI sinif şagirdləri üçün buraxılış imtahanı;
- Eksternat qaydasında XI sinif üzrə yekun attestasiyada iştirak etmək istəyən şəxslər üçün buraxılış imtahanı;
- Buraxılış imtahanlarında üzrlü səbəblərdən iştirak edə bilməmiş və barəsində Mərkəzə müraciət edilmiş əvvəlki illərin XI sinif məzunları üçün buraxılış imtahanı.
1-3-cü kateqoriyalara aid olan abituriyentlər imtahan nəticələrini
linkə keçid edərək öyrənə bilərlər.
4-6-cı kateqoriyalarda sadalanan imtahanların nəticələrini isə bu linkdən yoxlamaq mümkündür.
Həmçinin şagirdlər imtahan nəticələri haqqında məlumatı mobil operatorlar vasitəsilə “iş nömrəsi”ni 7727 nömrəsinə göndərməklə də öyrənə bilərlər.
İmtahanda iştirakı nəzərdə tutulan 34.481 nəfərdən 2758 nəfər imtahana gəlməyib. Bundan başqa, qaydaları pozan 12 nəfərin nəticəsi ləğv olunub.
Apellyasiya Komissiyasına müraciət etmək istəyənlər 14-16 may (saat 17:00-dək) tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər.
