Bu aydan etibarən Bakıətrafı qəsəbələrdə su təchizatı qənaət qrafiki ilə veriləcək. Bu haqda bu gün, 11 fevral tarixində Bakuplus.az Xəzər Xəbər-ə istinadən xəbər verir.
“Azərsu” ASC-nin mətbuat xidmətinin rəhbəri Anar Cəbrayıllı bildirib ki, xüsusi iclasda qəbul olunan qərara əsasən, su itkiləri olan ərazilərdə suyun verilməsi qrafikində dəyişiklik ediləcək:
"Biz bu qrafiki yay aylarında tətbiq edirdik. Amma qərar verilib ki, dəyişiklik fevral ayından olsun. Bildiyimiz kimi, Bakıətrafı bəzi ərazilərdə mərkəzləşmiş şəbəkə yoxdur. Belə ərazilərdə primitiv şəbəkə qurulub. Bu da daha çox su itkisinə səbəb olur. Yaxud mərkəzləşmiş şəbəkəsi olan, amma kanalizasiya sistemi qurulmayan yerlərdə də su itkisi var. Ona görə də belə ərazilərdə suyun verilməsində tənzimləmə olacaq. Deyək ki, gecə saatlarında suyun azaldılması, gündüz vaxtı qrafikdə dəyişiklik etməklə tənzimləmə həyata keçiriləcək. Əsas məqsəd də odur ki, yay aylarında su qıtlığı yaşanmasın".
Cəbrayıllı əhaliyə müraciət edərək sudan səmərəli istifadəyə çağırıb.
[caption id="attachment_90303" align="alignnone" width="640"]
Foto açıq mənbədən[/caption]
