Qaradağ rayonu, Müşfiqabad qəsəbəsində ağacəkmə aksiyası keçirilib. Bu haqda bu gün, 3 fevral tarixində Bakuplus.az Ekologiya Nazirliyinə istinadən xəbər verir.
2 fevral – Gənclər Günü ilə əlaqədar təşkil edilən tədbirdə 50-dən çox könüllü iştirak edib, 1000 ədəd zeytun, sərv və Eldar şamı ağacları əkilib.
Aksiya gənc nəslin ekoloji biliklərinin formalaşmasına töhfə vermək, gənclərin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək məqsədi daşıyır.
“Yaşıl dünya naminə həmrəylik ili” çərçivəsində kütləvi ağacəkmə kampaniyaları davam edəcək.
