Bakının bəzi körpülərinin altı parkinq ərazisinə çevrilib. Bunlardan bəziləri Ziya Bünyadov prospekti ərazisində yerləşən körpülərdir. Bu haqda bu gün, 14 iyun tarixində Bakuplus.az məlumat verir.
Körpülərin altında avtomobillərin park edilməsinə qadağa qoyulsa da, həmin əraziyə gələn sürücülər nəqliyyat vasitələrini saxlayırlar və onlar orada saatlarla qalır.
Belə ki, prospektin körpüləri çox olduğuna görə belə dayanacaqlar bir neçə yerdə düzəldilib. Məsələn Dərnəgül bazarı adlanan ərazinin yaxınlığında qanunsuz parkinq yaradılıb.
[video width="640" height="352" mp4="https://bakuplus.az/storage/photos/2023/06/video-whatsapp-2023-06-03-v-14.00.16_1.mp4"][/video]
Foto Bakuplus.azProspektin Atatürk prospekti ilə kəsişməsində isə analoji avtomobil dayanacağı özəl xarakter daşıyır. Bu parkinq məşhur “İstanbul NS” klinikası tərəfindən ziyarətçiləri üçün yaradılıb.
Körpünün altında şlaqbaum, nəzərətçi köşkü, xətlənmə – bir sözlə, rəsmi dayanacaqdakı kimi hər şey mövcuddur. Klinika işçilərinin sözlərinə görə, müalicəyə gələn pasiyentlər tam pulsuz orada avtomobillərini saxlaya bilərlər. Əraziyə nəzərət edən “parkovşikin” sözlərinə görə, ilk dəfə gələn pasiyentlərdən klinikanın çeki tələb olunmur. Xəstə tez-tez tibb müəssisəsinə gəlsə, ondan klinikadan təqdim olunmuş çek tələb oluna bilər.
[caption id="attachment_103426" align="alignnone" width="640"]
Foto Bakuplus.az[/caption]
[video width="640" height="368" mp4="https://bakuplus.az/storage/photos/2023/06/video-whatsapp-2023-06-14-v-12.14.50_1.mp4"][/video]
Bəs qanunda bu barədə nə deyilir?
“Yol hərəkəti haqqında" qanunun 52-ci maddəsi avtomobillərin körpülərin altında, həmçinin tunellərdə park edilməsini qadağan edir. İnzibati Xətalar Məcəlləsinə görə, bu ərazilərdə avtomobil park edənlər 20 manat məbləğində cərimə edilməlidirlər.
