Əməkdar artist Türkiyədə zəlzələ bölgəsində təhsil alan qızın Bakıya gəlməsini təmin edir. Bu haqda bu gün, 13 fevral tarixində Bizim.Media məlumat verib.
Nigar Şabanova bildirib ki, həkimlikdə oxuyan xalası nəvəsi ilə birgə təhsil alan Burcu adlı qız tək qalıb. Onların qrup yoldaşları qaldıqları “yurd”ları boşaltmalı olublar.
“Onun valideynləri hazırda çadırda yaşayırlar. Burcu burada qalıb, insanlara yardım etməsinin daha yaxşı olduğunu söylədi. Ürəyim buna tab gətirə bilmədi. O qızın Bakıya gəlməsini öz boynuma götürdüm. Bölgələrindəki vəziyyət yaxşılaşana, düzələnə və təhsil yenidən bərpa olunana qədər Burcu evimdə qalacaq”, - deyə Şabanova söyləyib.
