Aprelin 3-də şair, Əməkdar incəsənət xadimi Baba Vəziroğlu məktəblilərlə görüş keçirəcək. Bu haqda bu gün, 2 aprel tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
Baba Vəziroğlu “Məktəbdə...” layihəsi çərçivəsində uşaqlarla vaxt keçirəcək.
Əməkdar incəsənət xadimi görüşdə məktəb və müəllimin insan həyatındakı rolu, mənəvi-əxlaqi dəyərlərə hörmət, həmçinin uşaqlarda özünəinam və özünüinkişaf xüsusiyyətlərinin formalaşdırılması, müəllim-şagird münasibətləri mövzularından danışacaq.
Tədbir 239 nömrəli tam orta məktəbdə baş tutacaq.
