Məktəbli formaları seçimi və şikayətlərlə bağlı çağrı mərkəzinə müraciət edilməlidir. Bu haqda bu gün, 15 avqust tarixində Bakuplus.az Aztv-ya istinadən məlumat verir.
Nazirlər Kabinetinin 17 mart 2022-ci il tarixli qərarına əsasən, ümumi təhsil müəssisələrində 4 növ məktəbli geyim forması tətbiq olunur.
Məktəbli formalarının seçimi sərbəstdir və valideynlərin xüsusi satış məntəqələrinə yönləndirilməsi yolverilməzdir. Məktəbəqədər və Ümumi Təhsil üzrə Dövlət Agentliyi yerli bölmələrə müvafiq tapşırıqlar verib. Valideynlər formalarla bağlı sual və problemlər üçün “Çağrı Mərkəzi” ilə əlaqə saxlayaraq kömək ala bilərlər.
Valideynlər, xüsusilə birinci sinifə gedənlərin valideynləri, Agentliyinin 146 – 2 nömrəsi vasitəsilə və ya yerli bölmələrinin “Çağrı Mərkəzi”ndən və ya uşaqlarının təhsil alacağı məktəbdən ətraflı məlumat əldə edə bilərlər.
