İstedadlı uşaqların və gənclərin mənzərə, hadisə və əşyaları öz düşüncələri müstəvisində təsvir etmək qabiliyyətini inkişaf etdirmək məqsədi ilə təşkil olunan "Düşüncəm-2021" Respublika uşaq yaradıcılıq müsabiqəsinə qeydiyyat davam edir.
Azərtac-dan verilən məlumata görə, müsabiqədə iştirak etmək istəyən 21 yaşı tamam olmayan sənətçilər bu il oktyabrın 10-dək Xətai Sənət Mərkəzi Facebook qrupuna qoşula bilərlər. Əsərin fotosunu, adını, müəllifin adını, soyadını, doğum tarixini, məktəbini və əlaqə nömrəsini yerləşdirərək müsabiqədə iştirak edə bilərlər.
Əsərlərin hər biri ayrıca təqdim edilməli, əsər haqqında məlumatlar tam olmalı, müsabiqəyə 2 -dən çox iş qəbul edilməməlidir.
Uşaqların əsərlərinin çoxu hiss və düşüncələrinə görə seçiləcək.
Seçim müəllifin yaşı nəzərə alınmaqla düzgün kompozisiya, rəng və fikir seçimi əsasında aparılacaq.
Kənar müdaxilə olmadan işə üstünlük veriləcək (müəllim, valideynlər).
Müsabiqədə xarici vətəndaşlar da iştirak edə bilərlər.
Seçim 3 yaş kateqoriyası üzrə aparılacaq və hər kateqoriya üçün ayrıca sərgi nəzərə tutulub: 11 yaşa qədər, 11-16 və 16-21 yaş arası.
İlk turdan keçən müəlliflər, onların əsərlərini sərgidə nümayiş etdirmək üçün, Xətai Sənət Mərkəzinə dəvət olunacaqlar.
Əsərləri sərgidə təqdim olunan müəlliflər fəal təlim mərkəzlərindən (dərnəklər, sənət məktəbləri və s.) sertifikatlar və təşəkkür məktubları ilə təltif olunacaqlar.
Müsabiqənin yekun sərgisi Xətai Sənət Mərkəzində nümayiş olunacaq.
Müsabiqə “Nizami Gəncəvi İli" çərçivəsində keçirilir.
