Bakının mərkəzində tarixi binanın üzərində mansard inşa olunub. Bu haqda bu gün, 14 oktyabr tarixində Bakuplus.az Caliber.az-a istinadən xəbər verir.
Yasamal rayonu, İslam Səfərli küçəsində yerləşən tikilinin üstü artırılıb, pəncərələrinin ölçüləri dəyişdirilib və fasadına ciddi müdaxilələr edilərək ziyan vurulub.
Şəhərsalma və Arxitektura üzrə Dövlət Komitəsi məsələ ilə bağlı addım atacaqlarını bildirib:
“Fasada zərər vuran konstruksiyalar sökülüb, pəncərələr əvvəlki halına gətirilib. Hazırda ərazidə mansardın sökülməsi ilə bağlı müzakirələr aparılır”, – deyə komitədən əlavə edilib.
Sözügedən bina rəsmi olaraq tarixi abidə hesab olunur və dövlət reyestrinə daxildir.
[caption id="attachment_116511" align="alignnone" width="640"]
Foto Caliber.az[/caption]
