Sabunçu rayonunun Maştağa qəsəbəsində şəhid Aydın Qurbanovla vida mərasimi keçirilib. Bu haqda bu gün, 18 iyul tarixində Bakuplus.az Report-a istinadən məlumat verir.
Mərasimdə Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən şəhidin yaxınları və ictimaiyyət nümayəndələri iştirak ediblər.
Qurbanovun qalıqları bu gün Maştağa qəsəbəsindəki Şəhidlər xiyabanında dəfn ediləcək.
Aydın Qurbanov 12 yanvar 1967-ci ildə anadan olub. İtkin düşənədək Bakı şəhərinin Sabunçu rayonunun Bakıxanov qəsəbəsində yaşayıb. Şəhid A.Qurbanov 18 aprel 1994-cü ildə Ağdam rayonunun Güllücə kəndində itkin düşüb.
[video width="1080" height="1920" mp4="https://bakuplus.az/storage/photos/2024/07/sehid-az.mp4"][/video]
