Bakıda torpaq almaq istəyən şəxs dələduzların qurbanı olub. Bu haqda bu gün, 7 noyabr tarixində Bakuplus.az Xəzər Xəbər-ə istinadən məlumat verir.
Bakı sakini Mehran Eyyubovun sözlərinə görə, 10 il əvvəl Maştağa qəsəbəsi, Xanlar küçəsində aldığı torpaq sahəsi başqalarına da satılıb. Sonradan ona digər torpaq sahəsi təklif olunub, amma bir müddət sonra bu torpağın da başqa sahibi olduğu üzə çıxıb.
Şikayətçi bildirir ki, torpağı vasitəçidən alsa da, ödənişi özünü torpaq sahibi kimi təqdim edən şəxsə edib. İndi isə o, nə pulunu qaytara, nə də digər boş sahəyə sahiblənə bilir. O, polisə müracət etsə də, heç bir nəticə olmayıb.
Məsələyə Daxili İşlər Nazirliyinin mətbuat xidmətinin əməkdaşı Nurlan Əliyev deyib ki, həmin məsələ ilə bağlı araşdırma aparılır və nəticəyə uyğun əmələ hüquqi qiymət veriləcək.
