Magistraturaya qəbul imtahanlarının nəticələri açıqlanıb. Bu haqda bu gün, 3 iyul tarixində Bakuplus.az Dövlət İmtahan Mərkəzinə istinadən xəbər verir.
2024/2025-ci tədris ili üçün ali təhsil müəssisələrinin magistraturalarına qəbul olunmaq üçün keçirilən müsabiqənin nəticələri Mərkəzin internet saytında yerləşdirib. İmtahanın nəticələri haqqında məlumatı mobil operatorlar – Azercell, Bakcell, Nar, Naxtel vasitəsilə ixtisaslaşma seçimi ərizəsi səhifəsindəki 7 rəqəmli kodu 7727 nömrəsinə göndərməklə öyrənmək mümkündür.
Müsabiqənin nəticələrinə əsasən, seçimdə iştirak edən 15.660 bakalavrdan 13.484 nəfəri ali təhsil müəssisələrinin magistraturalarına qəbul olunub. Onlardan 5996 nəfər dövlət sifarişi, 7488 nəfər isə ödənişli əsaslarla təhsil alacaqlar. 9694 nəfər ali təhsil müəssisələrinin cari, 3790 nəfər isə əvvəlki illərin məzunudur.
