Marşrut avtobusunu idarə edən tanınmış narkoman tam sağlamdır. Bu haqda bu gün, 27 may tarixində Bakuplus.az Qafqazinfo-ya istinadən xəbər verir.
Dəfələrlə məhkumluq həyatı yaşamış, narkotik istifadəçisi olduğunu bildirən “Batya Vasmoyski” ləqəbli Bəxtiyar Ağaməmmədov paytaxt ərazisində 40 saylı müntəzəm marşrut xətti üzrə sürücü kimi çalışır. Bununla bağlı videogörüntülər sosial şəbəkələrdə yayılıb.
“Çinar Trans” MMC-nin direktoru İsmayıl Hüseynov məsələ ilə bağlı bildirib ki, B.Ağaməmmədov tam sağlamdır. O, narkoloji dispanserdə yoxlamadan keçib. Buna baxmayaraq, o, 24 may tarixində öz istəyi ilə işindən azad olunub.
“Sürücü mayın 7-də işə qəbul olunub və sınaq müddəti verilmişdi”, – deyə o qeyd edib.
Bundan əlavə, “Batya Vasmoyski”nin keçmişi ilə bağlı video çəkərək Youtube kanalında yayımlayan tanınmış bloger Nail Kəmərli açıqlamasında onun narkoman olmaqla yanaşı, təhlükəli yoluxucu xəstəlik olan vərəm daşıyıcısı olduğunu da bildirib.
