Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva paytaxtda təmir edilmiş təhsil ocaqlarında olub. Bu haqda Elm və Təhsil Naziri Emin Əmrullayev öz Facebook səhifəsində paylaşım edib.
Mehriban Əliyeva Xəzər rayonunun Binə qəsəbəsində 334 saylı tam orta məktəbin yeni inşa edilmiş binasının və Suraxanı rayonunun Qaraçuxur qəsəbəsində 277 saylı körpələr evi-uşaq bağçasının əsaslı şəkildə yenidən qurulan binasının açılışında iştirak edib.
Binə qəsəbəsində inşa olunan 800 yerlik yeni məktəb binasında sinif, laboratoriya, əmək təlimi otaqları, yeni texnologiyalar və robototexnika üzrə kabinet, informatika sinfi, hərbi hazırlıq otağı, məktəbəqədər hazırlıq sinfi, kitabxana, idman və akt zalları, arxiv otaqları, yeməkxana yaradılıb.
Qaraçuxur qəsəbəsində yenidən qurulan 220 yerlik iki korpusdan ibarət 277 saylı körpələr evi-uşaq bağçasının binasında müasir tələblərə uyğun əsaslı təmir işləri aparılıb, zəruri mebel, invertar avadanlıqla və əyləncə qurğuları təchiz olunub, uşaq bağçasının həyətyanı sahəsi abadlaşdırılıb.
[caption id="attachment_66175" align="alignnone" width="800"]
Foto Emin Amrullayevin Facebook səhifəsi[/caption]
