Metroda retro vaqonların nümayişi olacaq. Bu haqda bu gün, 15 mart tarixində Bakuplus.az Metropolitenə istinadən xəbər verir.
Novruz bayramı ilə əlaqədar “İçərişəhər” stansiyasında Bakı metropoliteninin əsas muzey eksponatları olan retro vaqonlar nümayiş etdiriləcək. Vaqonlar 19-24 mart tarixləri arası hər gün saat 10:00-22:00 aralığında nümayiş olunacaq.
Eksponatların arasında SSRİ məkanının ilk metro vaqonu, XX əsrdə post-sovet məkanı metropolitenlərinin xətlərində hərəkət etmiş və Bakı metropoliteninin lokomotiv parkında 2009-cu ilə qədər mövcud olmuş vaqonlar olacaq.
20 və 21 mart tarixlərində isə retro vaqonlarda Əməkdar artist Bəhram Bağırzadənin imza günləri keçiriləcək.
