Dəmiryol vağzalının yanında sərnişinlər üçün yola salınma zonası yaradılır. Bu haqda bu gün, 16 mart tarixində Bakuplus.az Azərbaycan Dəmir Yollarına istinadən xəbər verir.
Süleyman Rəhimov küçəsi ilə Mirəli Qaşqay küçəsinin kəsişməsində, “28 May” metro stansiyasının yuxarı hissəsi vağzala gələn sərnişinlərin qarşılanma və yola salınma zonası kimi fəaliyyət göstərəcək.
Yeni zona 27 mart tarixindən etibarən fəaliyyətə başlayacaq. Avtomobillərin əraziyə giriş-çıxışı parklanma məntəqəsində qurulacaq xüsusi nömrə tanıma sistemi sayəsində tənzimlənəcək.
Avtomobillərin ilk 15 dəqiqə ərazidə qalması ödənişsiz olacaq.
