Azərbaycan Milli İncəsənət Muzeyində “Uzaq Şərq İncəsənəti” barəsində tədbir keçiriləcək. Bu haqda bu gün, 25 mart tarixində Bakuplus.az muzeyin mətbuat xidmətinə istinadən xəbər verir.
Hər həftə keçirilən “Uşaqlar üçün incəsənət tarixi” layihəsi çərçivəsində tədbir bu dəfə Yaponiya incəsənətinə həsr olunacaq. Tədbirdə balacalar “Gündoğan ölkə”nin tarixi, sakura ağacına həsr olunmuş əfsanələr, qədim “hanami” ənənəsi, həmçinin kalliqrafiya sənəti, “jomon” keramikası haqqında təqdimatı izləyə biləcəklər.
Proqrama qoşulmaq üçün (012) 492-0707 nömrəsi ilə qeydiyyatdan keçmək xahiş olunur. Layihəyə daxil olan proqramlar şənbə günü Azərbaycan dilində, bazar günü isə rus dilində aparılır.
