Sabah Azərbaycan Milli Xalça Muzeyində bir sıra tədbirlər keçiriləcək. Bu haqda bu gün, 16 may tarixində Bakuplus.az muzeyin mətbuat xidmətinə istinadən xəbər verir.
Mayın 18-də Beynəlxalq Muzeylər Günü münasibətilə muzeydə saat 11:00-dan 19:00-dək “Açıq qapı” aksiyası və Azərbaycan dilində ödənişsiz ekskursiyalar baş tutacaq.
Məhəmməd Füzulinin 530 illiyi ilə əlaqədar “Sənətdə bənzərsiz eşq” sərgisi açılacaq. Sərgidə nümayiş olan eksponatlar siyahısı aşağıdakı kimidir:
Sərgi mayın 30-dək davam edəcək.
Muzeyin balaca dostları üçün isə Uşaq şöbəsinin əməkdaşları tərəfindən hazırlanan “Leyli və Məcnun” kölgə teatr tamaşasının premyerası (saat 12:00, 14:00, 16:00, 18:00), eyni zamanda ustad dərsləri keçiriləcək.
