Azərbaycan Milli Xalça Muzeyində festival baş tutacaq. Bu haqda bu gün, 28 may tarixində Bakuplus.az muzeyin mətbuat xidmətinə istinadən xəbər verir.
İyunun 1-də “Yaşıl dünya naminə həmrəylik ili”nə həsr olunan festivalda uşaqlar üçün “Nənəmin sandığından” moda nümayişi və “Göyqurşağı” rəsm sərgisi keçiriləcək. Həmçinin tədbirdə musiqi və rəqs qruplarının, yaradıcı kollektivlərin maraqlı ifalarından ibarət konsert proqramı, kloun şousu təqdim ediləcək.
Uşaqların Beynəlxalq Müdafiəsi Günü münasibətilə keçirilən tədbirdə Xalça Muzeyinin Uşaq şöbəsi tərəfindən hazırlanan “Uçan xalça” marionet teatr tamaşası göstəriləcək, müxtəlif ustad dərsləri və feysart təşkil olunacaq.
