Bakıda MTK-lar hansı fırıldaqlıqlara əl atır? Bu haqda bu gün, 29 noyabr tarixində Bakuplus.az Xəzər Xəbər-ə istinadən məlumat verir.
Belə ki, mənzilin sahəsi dövlət çıxarışında 75,2 kvadratmetr göstərildiyi halda, vətəndaş MTK-ya komunnal xidmətlərə görə 87 kvadratmetr üçün ödəniş edir. Bəzi MTK-lar isə alqı-satqı zamanı komunnal ödənişlərin məbləğini özləri təyin etdikləri kvadratmetrə əsasən müəyyənləşdirir.
Əmlak eksperti Ramil Osmanlı bildirir ki, qanuna əsasən, ödənişlər dövlət çıxarışında yazılan sahəyə uyğun edilməlidir. Çıxarış olmadığı halda isə MTK ilə bağlanan müqavilə əsasında ödəniş olunmalıdır.
Ekspertin sözlərinə görə, çıxarış alan mənzil sahibləri MTK-ya yaxınlaşaraq müqavilənin yenilənməsini tələb edə bilərlər.
Vətəndaşlar deyirlər ki, MTK-lar müəyyən xərclərini qarşılamaq üçün bu üsulla əlavə gəlir əldə etməyə çalışır.
Bildirilir ki, qanunsuzluğa yol verən MTK-lara qarşı ciddi tədbirlər görülmədiyindən bu sahədə sui-istifadə halları dəfələrlə artıb.
