“İnşaatçılar” metro stansiyasının ərazisində park edilmiş avtomobillərə görə xaotik vəziyyət yaranır. Bu, həm piyadaların, həm də sürücülərin narazılığına səbəb olur. Bu haqda bu gün, 6 iyul tarixində Bakuplus.az ARB Xəbər-ə istinadən məlumat verir.
Bir neçə il öncə günün pik saatlarında yaşanan bu vəziyyətin indi konkret saatı da bəlli deyil. Həftənin şənbə-bazar günləri də daxil “İnşaatçılar”da rahat hərəkət olduqca qəlizdir. Nə keçmək olur, nə də dayanmaq. Buradakı parklanmanı illərdir ənənəvi qaydada “parkovşik”lər həyata keçirirlər.
Lakin pul verib harada gəldi saxlayanlara, pul alıb nəqliyyatın hərəkətini iflic edənlərə nəzarət də var. Ətrafda bir neçə müasir müşahidə kameraları quraşdırıldsa da, öz funksiyasını yerinə yetirmir: avtomobillər ikinci, hətta üçüncü sırada saxlanılır.
AYNA-dan deyildi ki, hələ ərazidə parklanma yerlərinin təşkili ilə bağlı nəqliyyatın axını təhlil edilir. Nəticələr emal edildikdən sonra ödənişli parklanma yerlərinin yaradılması məsələsinə baxıla bilər.
